Господи Боже, Владыко всего мира видимого и
невидимого. По воле Твоей святой текут все дни
и лета жизни моея.
Благодарю Тебя, премилосердный Отче, яко бла-
гословил меня про-жити еще едино лето; вем яко
по грехам моим несмь достоин милости сей, но ока_
зываеши еси мне ея по неизреченному человеко-
любию Твоему.
Пробави и еще милости Твоя мне, грешному;
продолжи жизнь мою в добродетели, спокойствии,
в здравии, в мире со всеми сродниками и в согласии
со всеми ближними. Подай мне изобилие плодов
земных и вся, к удовлетворению нужд моих потребно.
Паче всего очисти совесть мою, укрепи меня на пути
спасения, дабы, следуя по нем, по многолетнем в
мире сем житии, прейдя в живот вечный, удостоился
быти наследником Царствия Твоего небесного.
Сам Господи, благослови начинаемое мною лето и
вся дни живота моего. Аминь.